بیڑیاں اپنے اے اسیر نہ دیکھ
بیڑیاں اپنے اے اسیر نہ دیکھ
ہاتھ اٹھا ہاتھ کی لکیر نہ دیکھ
عقل رکھتا ہے تو سمجھ مفہوم
صرف الفاظ بے نظیر نہ دیکھ
گھر سے نکلا ہے جب دعا دیتے
کون مفلس ہے یا امیر نہ دیکھ
کوئی خوبی نظر نہ آئے گی
میری تصویر عیب گیر نہ دیکھ
کون سن کر صدا نہ آئے گا
بند دروازہ اے فقیر نہ دیکھ
عزم کا تیر لے کے آگے بڑھ
ہاتھ میں کیا ہے اس کے ویر نہ دیکھ
دونوں جانب علیمؔ کھائی ہے
ساتھ ہے کون راہگیر نہ دیکھ
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
