bhagwan ne banaya kai bar mein hamein
bhagvān ne banāyā ka.ī baar meñ hameñ
Dhālā gayā bahisht ke ākār meñ hameñ
sab roTiyoñ ko bech ke be-ghar ko ghar diyā
chunvā diyā usī ne hī dīvār meñ hameñ
saare qusūr-vār rihā kar diye ga.e
jo bhī sazā milī hai to bekār meñ hameñ
ham kāñch ke bane haiñ bhanak kyā unheñ lagī
rakhvā diyā lapeT ke aḳhbār meñ hameñ
sab kah rahe haiñ ham se burā aadmī nahīñ
aur dekhte haiñ roz samāchār meñ hameñ
jis din se ham ga.e haiñ galī gaañv chhoḌ kar
sab DhūñDhte haiñ sub.h ke aḳhbār meñ hameñ
bhagwan ne banaya kai bar mein hamein
Dhaala gaya bahisht ke aakar mein hamein
sab roTiyon ko bech ke be-ghar ko ghar diya
chunwa diya usi ne hi diwar mein hamein
sare qusur-war riha kar diye gae
jo bhi saza mili hai to bekar mein hamein
hum kanch ke bane hain bhanak kya unhen lagi
rakhwa diya lapeT ke aKHbar mein hamein
sab kah rahe hain hum se bura aadmi nahin
aur dekhte hain roz samachaar mein hamein
jis din se hum gae hain gali ganw chhoD kar
sab DhunDhte hain subh ke aKHbar mein hamein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
