bhala lagaen bhi dil kis tarah kisi se hum

bhalā lagā.eñ bhī dil kis tarah kisī se ham

pareshāñ ho chuke haiñ us kī be-ruḳhī se ham

har ek shaḳhs pe karte haiñ e'tibār bahut

kahīñ na jaan gañvā deñ isī kamī se ham

bhaḌaktī aag ke sho'loñ meñ haath Dāleñge

lagā.e baiThe haiñ ye shart zindagī se ham

kahā thā us ne kabhī ghar tumhāre ā.eñge

sajāne baiTh ga.e apnā ghar abhī se ham

abhī to sāmne aayā nahīñ hai vo chehra

abhī se Darne lage tez raushnī se ham

hunar hamārā bhī chāragarī se kam to nahīñ

diloñ ke zaḳhmoñ ko bharte haiñ shā'irī se ham

bhala lagaen bhi dil kis tarah kisi se hum

pareshan ho chuke hain us ki be-ruKHi se hum

har ek shaKHs pe karte hain e'tibar bahut

kahin na jaan ganwa den isi kami se hum

bhaDakti aag ke sho'lon mein hath Dalenge

lagae baiThe hain ye shart zindagi se hum

kaha tha us ne kabhi ghar tumhaare aaenge

sajaane baiTh gae apna ghar abhi se hum

abhi to samne aaya nahin hai wo chehra

abhi se Darne lage tez raushni se hum

hunar hamara bhi chaaragari se kam to nahin

dilon ke zaKHmon ko bharte hain sha'iri se hum