bhar bhar ke kulanchen ye chale chaal hiran ki

bhar bhar ke kulāñcheñ ye chale chaal hiran kī

is man ko bhī lag jaa.e havā gar tire ban kī

ik raat kī devī ke parastār haiñ ham log

detī hai misāleñ jo tire sāñvle-pan kī

kyā rang thā kyā ruup thā kyā us ke ḳhad-o-ḳhāl

ḳhushbū bhī nahīñ yaad hameñ ab to saman kī

ik aañkh jise dekhnā achchhā nahīñ lagtā

ik dil kī zarūrat hī nahīñ jis ko badan kī

ab apne gunāhoñ kī sazā kaaT rahe haiñ

aage tire har baat ugal dete the man kī

mujrim hai koī paañv paTaktā hai jigar meñ

siine meñ jo har saañs pe zanjīr sī khankī

bhar bhar ke kulanchen ye chale chaal hiran ki

is man ko bhi lag jae hawa gar tere ban ki

ek raat ki dewi ke parastar hain hum log

deti hai misalen jo tere sanwle-pan ki

kya rang tha kya rup tha kya us ke KHad-o-KHal

KHushbu bhi nahin yaad hamein ab to saman ki

ek aankh jise dekhna achchha nahin lagta

ek dil ki zarurat hi nahin jis ko badan ki

ab apne gunahon ki saza kaT rahe hain

aage tere har baat ugal dete the man ki

mujrim hai koi panw paTakta hai jigar mein

sine mein jo har sans pe zanjir si khanki