bhar jaenge jab zaKHm to aaunga dobara

Sarvat Husain

bhar jaenge jab zaKHm to aaunga dobara

Sarvat Husain

MORE BYSarvat Husain

    bhar jā.eñge jab zaḳhm to ā.ūñgā dobārā

    maiñ haar gayā jañg magar dil nahīñ haarā

    raushan hai mirī umr ke tārīk chaman meñ

    is kunj-e-mulāqāt meñ jo vaqt guzārā

    apne liye tajvīz shamshīr-e-barhana

    aur us ke liye shāḳh se ik phuul utārā

    kuchh siikh lo lafzoñ ko baratne salīqa

    is shuġhl meñ guzrā hai bahut vaqt hamārā

    lab khole parī-zād ne āhista se 'sarvat'

    joñ guftugū kartā hai sitāre se sitārā

    bhar jaenge jab zaKHm to aaunga dobara

    main haar gaya jang magar dil nahin haara

    raushan hai meri umr ke tarik chaman mein

    is kunj-e-mulaqat mein jo waqt guzara

    apne liye tajwiz ki shamshir-e-barhana

    aur us ke liye shaKH se ek phul utara

    kuchh sikh lo lafzon ko baratne ka saliqa

    is shughl mein guzra hai bahut waqt hamara

    lab khole pari-zad ne aahista se 'sarwat'

    jon guftugu karta hai sitare se sitara

    Source :
    • Book : Ghazal Calendar-2015 (Pg. 29.03.2015)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now