bhar nahin paya abhi tak zaKHm-e-kari hae hae

Anees Ansari

bhar nahin paya abhi tak zaKHm-e-kari hae hae

Anees Ansari

MORE BYAnees Ansari

    Interesting Fact

    15 November 2002

    bhar nahīñ paayā abhī tak zaḳhm-e-kārī haa.e haa.e

    dil ko thāme haiñ lahū phir bhī hai jaarī haa.e haa.e

    dard ehsās ghaT jaatā agar chāhe koī

    ho rahī hai aur ulTe dil-figārī haa.e haa.e

    jism to pahle zaḳhmī thā magar baaqī thā dil

    ab adū ke haath meñ ḳhanjar hai bhārī haa.e haa.e

    hijr meñ vaise bhī aatī hai musībat jaan par

    par raqīboñ alag hai ḳhanda-kārī haa.e haa.e

    reza reza kar diyā zālim ne saare jism ko

    uḌ rahī hai ḳhaak pairoñ par hamārī haa.e haa.e

    dil girafta ho ke chup baiThe haiñ shāyad is tarah

    rahm aa.e dekh kar sūrat hamārī haa.e haa.e

    dast-e-qātil said banñe se nahīñ ruktā kabhī

    hai abas be-chārgī-o-āh-o-zārī haa.e haa.e

    jo parinde uḌ nahīñ sakte ab un ḳhair ho

    aane vaalā hai isī jānib shikārī haa.e haa.e

    raah se patthar uThā kar sū-e-zālim pheñk de

    gar nahīñ tīroñ tujh meñ zarb-kārī haa.e haa.e

    ek qibla ik azaañ aur ek majlis ik imaam

    kaash aa jaa.e samajh meñ ye tumhārī haa.e haa.e

    bhar nahin paya abhi tak zaKHm-e-kari hae hae

    dil ko thame hain lahu phir bhi hai jari hae hae

    dard ka ehsas ghaT jata agar chahe koi

    ho rahi hai aur ulTe dil-figari hae hae

    jism to pahle hi zaKHmi tha magar baqi tha dil

    ab adu ke hath mein KHanjar hai bhaari hae hae

    hijr mein waise bhi aati hai musibat jaan par

    par raqibon ki alag hai KHanda-kari hae hae

    reza reza kar diya zalim ne sare jism ko

    uD rahi hai KHak pairon par hamari hae hae

    dil girafta ho ke chup baiThe hain shayad is tarah

    rahm aae dekh kar surat hamari hae hae

    dast-e-qatil said banne se nahin rukta kabhi

    hai abas be-chaargi-o-ah-o-zari hae hae

    jo parinde uD nahin sakte ab un ki KHair ho

    aane wala hai isi jaanib shikari hae hae

    rah se patthar uTha kar su-e-zalim phenk de

    gar nahin tiron ki tujh mein zarb-kari hae hae

    ek qibla ek azan aur ek majlis ek imam

    kash aa jae samajh mein ye tumhaari hae hae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY