bhaTakta phir raha hun justuju bin

bhaTaktā phir rahā huuñ justujū bin

sarāpā aarzū huuñ aarzū bin

koī is shahr ko tārāj kar de

huī hai merī vahshat hā-o-hū bin

ye sab mojiz-numā.ī kī havas hai

rafūgar aa.e haiñ tār-e-rafū bin

ma.āsh-e-be-dilāñ pūchho na yaaro

numū paate rahe rizq-e-numū bin

guzār ai shauq ab ḳhalvat kī rāteñ

guzārish bin gila bin guftugū bin

bhaTakta phir raha hun justuju bin

sarapa aarzu hun aarzu bin

koi is shahr ko taraj kar de

hui hai meri wahshat ha-o-hu bin

ye sab mojiz-numai ki hawas hai

rafugar aae hain tar-e-rafu bin

maash-e-be-dilan puchho na yaro

numu pate rahe rizq-e-numu bin

guzar ai shauq ab KHalwat ki raaten

guzarish bin gila bin guftugu bin