bichhaD ke tujhse jo hum jaan se juda hue hain

bichhaḌ ke tujh se jo ham jaan se judā hue haiñ

yaqīn rakh ki baḌī shaan se judā hue haiñ

zarūr mausam-e-vahshat kī āmad-āmad hai

ye ham jo apne garebān se judā hue haiñ

bulā rahī hai vo nā-mumkināt kī duniyā

isī liye had-e-imkān se judā hue haiñ

sabhī zamān-o-makāñ ham se duur jā pahuñche

vo ek pal ki tire dhyān se judā hue haiñ

visāl chāhtī haiñ ham se mushkileñ kyā kyā

bas ek lamha-e-āsān se judā hue haiñ

ye faisla thā ki jā.eñge ruuh se milne

to pahle jism ke sāmān se judā hue haiñ

bichhaD ke tujh se jo hum jaan se juda hue hain

yaqin rakh ki baDi shan se juda hue hain

zarur mausam-e-wahshat ki aamad-amad hai

ye hum jo apne gareban se juda hue hain

bula rahi hai wo na-mumkinat ki duniya

isi liye had-e-imkan se juda hue hain

sabhi zaman-o-makan hum se dur ja pahunche

wo ek pal ki tere dhyan se juda hue hain

visal chahti hain hum se mushkilen kya kya

bas ek lamha-e-asan se juda hue hain

ye faisla tha ki jaenge ruh se milne

to pahle jism ke saman se juda hue hain