bichhaDne ki suhulat mil na jae

Saima Aftab

bichhaDne ki suhulat mil na jae

Saima Aftab

MORE BY Saima Aftab

    bichhaḌne suhūlat mil na jaa.e

    makīñ ko izn-e-hijrat mil na jaa.e

    maiñ kaañp uThtī huuñ itnā soch kar

    ki hasb-e-zarūrat mil na jaa.e

    hathelī se na mas ho jaa.e novel

    fasāne se haqīqat mil na jaa.e

    bayābānoñ se jo ghabrā ke lauTe

    unheñ bastī meñ vahshat mil na jaa.e

    maiñ vird-e-sūra-e-rahmān rakkhūñ

    mujhe jab tak hidāyat mil na jaa.e

    tavātur se agar milte rahe ham

    kahīñ apnī tabī.at mil na jaa.e

    baḌī shiddat se jiinā chāhtī thī

    magar ab ye ijāzat mil na jaa.e

    bichhaDne ki suhulat mil na jae

    makin ko izn-e-hijrat mil na jae

    main kanp uThti hun itna soch kar hi

    ki tu hasb-e-zarurat mil na jae

    hatheli se na mas ho jae nowel

    fasane se haqiqat mil na jae

    bayabanon se jo ghabra ke lauTe

    unhen basti mein wahshat mil na jae

    main wird-e-sura-e-rahman rakkhun

    mujhe jab tak hidayat mil na jae

    tawatur se agar milte rahe hum

    kahin apni tabiat mil na jae

    baDi shiddat se jina chahti thi

    magar ab ye ijazat mil na jae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites