bidat masnun ho gai hai

bid.at masnūn ho ga.ī hai

ummat mat.ūn ho ga.ī hai

kyā kahnā tirī duā kā zāhid

gardūñ kā sutūn ho ga.ī hai

rahne do ajal jo ghaat meñ hai

mujh par maftūn ho ga.ī hai

hasrat ko ġhubār-e-dil meñ DhūñDo

zinda madfūn ho ga.ī hai

vahshat kā thā naam avval avval

ab to vo junūn ho ga.ī hai

vaa.iz ne burī nazar se dekhā

mai shīshe meñ ḳhuun ho ga.ī hai

aariz ke qarīn gulāb kā phuul

ham-rañg kī duun ho ga.ī hai

banda huuñ tirā zabān-e-shīrīñ

duniyā mamnūn ho ga.ī hai

'haidar' shab-e-ġham meñ marg-e-nāgāh

shādī kā shugūn ho ga.ī hai

bidat masnun ho gai hai

ummat matun ho gai hai

kya kahna teri dua ka zahid

gardun ka sutun ho gai hai

rahne do ajal jo ghat mein hai

mujh par maftun ho gai hai

hasrat ko ghubar-e-dil mein DhunDo

zinda madfun ho gai hai

wahshat ka tha nam awwal awwal

ab to wo junun ho gai hai

waiz ne buri nazar se dekha

mai shishe mein KHun ho gai hai

aariz ke qarin gulab ka phul

ham-rang ki dun ho gai hai

banda hun tera zaban-e-shirin

duniya mamnun ho gai hai

'haidar' shab-e-gham mein marg-e-nagah

shadi ka shugun ho gai hai