بنا بولے ہی سب کچھ جان جائے
بنا بولے ہی سب کچھ جان جائے
وہ کاش آنکھوں کا دکھ پہچان جائے
جسے ٹھکرانے پر یہ جان جائے
اگر اپنا لیں تو ایمان جائے
کوئی ہم سے کرے اتنی محبت
ہمارے جھوٹ بھی سچ مان جائے
اگر امید منزل چھوڑ بیٹھیں
تو ممکن ہے سفر آسان جائے
ہماری زندگی تک ہائے ظالم
تغافل پر ترے قربان جائے
پھر اپنے آپ کے بارے میں سوچیں
جو ذہن و دل سے تیرا دھیان جائے
ہمیں اک بار سینہ سے لگا لو
کہ دل سے درد کا امکان جائے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
