bisat-e-danish-o-harf-o-hunar kahan kholen

Faza Ibn e Faizi

bisat-e-danish-o-harf-o-hunar kahan kholen

Faza Ibn e Faizi

MORE BYFaza Ibn e Faizi

    bisāt-e-dānish-o-harf-o-hunar kahāñ kholeñ

    ye sochte haiñ lab-e-mo'tabar kahāñ kholeñ

    ajab hisār haiñ sab apne gird khīñche hue

    vajūd vahī dīvār dar kahāñ kholīñ

    paḌāv Dāleñ kahāñ rāste meñ shaam huī

    bhañvar haiñ sāmne raḳht-e-safar kahāñ kholeñ

    yahāñ shu.ūr ke nāḳhun to ham bhī rakhte haiñ

    magar ye uqda-e-fikr-o-nazar kahāñ kholeñ

    na is ke saath hamārā bhī mol hone lage

    haiñ kashmakash meñ ki musht-e-guhar kahāñ kholeñ

    havā hai tez na is ke varaq uḌā le jaa.e

    sahīfa-e-nafas-e-muḳhtasar kahāñ kholeñ

    bachā.eñ aabrū jismoñ bhiiḌ meñ kaise

    hai kholnī girah-e-jāñ magar kahāñ kholeñ

    koī 'fazā' to mile ham ko qābil-e-parvāz

    ab in hadoñ meñ bhalā bāl-o-par kahāñ kholeñ

    bisat-e-danish-o-harf-o-hunar kahan kholen

    ye sochte hain lab-e-mo'tabar kahan kholen

    ajab hisar hain sab apne gird khinche hue

    wajud ki wahi diwar dar kahan kholin

    paDaw Dalen kahan raste mein sham hui

    bhanwar hain samne raKHt-e-safar kahan kholen

    yahan shuur ke naKHun to hum bhi rakhte hain

    magar ye uqda-e-fikr-o-nazar kahan kholen

    na is ke sath hamara bhi mol hone lage

    hain kashmakash mein ki musht-e-guhar kahan kholen

    hawa hai tez na is ke waraq uDa le jae

    sahifa-e-nafas-e-muKHtasar kahan kholen

    bachaen aabru jismon ki bhiD mein kaise

    hai kholni girah-e-jaan magar kahan kholen

    koi 'faza' to mile hum ko qabil-e-parwaz

    ab in hadon mein bhala baal-o-par kahan kholen

    Source:

    • Book : siip (Magzin) (Pg. 225)
    • Author : Nasiim Durraani
    • Publication : Fikr-e-Nau (1979)
    • Edition : 39 (quarterly)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY