بولنے کی بھی یہاں قیمت چکائی جا رہی ہے

بولنے کی بھی یہاں قیمت چکائی جا رہی ہے

دن دہاڑے سچ کی اب گردن دبائی جا رہی ہے

ہیں پریشاں اس خبر سے یہ سیاست کرنے والے

ملک میں دیوار نفرت کی گرائی جا رہی ہے

اک طرف لوگوں سے سچ کہنے کو بولا جا رہا ہے

اک طرف کچھ جھوٹوں کی محفل سجائی جا رہی ہے

شاہوں کو چھپ چھپ کے بیدردی سے لوٹا جا رہا ہے

تاج پوشی چوروں کی کھل کر کرائی جا رہی ہے

کیوں ملی ہے زندگی ہم کو وہاں کاشفؔ جہاں پر

سانس لے کر رسم مرنے کی نبھائی جا رہی ہے