bujhe charagh jalane mein der lagti hai

Sardar Soz

bujhe charagh jalane mein der lagti hai

Sardar Soz

MORE BYSardar Soz

    bujhe charāġh jalāne meñ der lagtī hai

    nasīb apnā banāne meñ der lagtī hai

    vatan se duur musāfir chale to jaate haiñ

    vatan ko lauT ke aane meñ der lagtī hai

    ta.alluqāt to ik pal meñ TuuT jaate haiñ

    kisī ko dil se bhulāne meñ der lagtī hai

    bikhar to jaate haiñ pal-bhar meñ dil ke sab TukḌe

    magar ye TukḌe uThāne meñ der lagtī hai

    ye un yaad ḳhushbū bhī kaisī hai ḳhushbū

    chalī to aatī hai jaane meñ der lagtī hai

    vo zid bhī saath meñ laate haiñ jaane jaane

    ye aur baat ki aane meñ der lagtī hai

    ye ghoñsle haiñ parindoñ ke un ko mat toḌo

    unheñ dobāra banāne meñ der lagtī hai

    vo daur-e-ishq rañgīñ hasīn yādoñ ke

    nuqūsh dil se miTāne meñ der lagtī hai

    ye dāġh-e-tark-e-marāsim na dījiye ham ko

    jigar ke daaġh miTāne meñ der lagtī hai

    ḳhabar bhī hai tujhe dil ko ujāḌne vaale

    diloñ bastī basāne meñ der lagtī hai

    tumheñ qasam hai bujhāo na pyaar sham.eñ

    unheñ bujhā ke jalāne meñ der lagtī hai

    bhulā.ūñ kaise achānak kisī kho jaanā

    ye hādsāt bhulāne meñ der lagtī hai

    zarā baat pe ham se jo ruuTh jaate haiñ

    unheñ to 'soz' manāne meñ der lagtī hai

    bujhe charagh jalane mein der lagti hai

    nasib apna banane mein der lagti hai

    watan se dur musafir chale to jate hain

    watan ko lauT ke aane mein der lagti hai

    talluqat to ek pal mein TuT jate hain

    kisi ko dil se bhulane mein der lagti hai

    bikhar to jate hain pal-bhar mein dil ke sab TukDe

    magar ye TukDe uThane mein der lagti hai

    ye un ki yaad ki KHushbu bhi kaisi hai KHushbu

    chali to aati hai jaane mein der lagti hai

    wo zid bhi sath mein late hain jaane jaane ki

    ye aur baat ki aane mein der lagti hai

    ye ghonsle hain parindon ke un ko mat toDo

    unhen dobara banane mein der lagti hai

    wo daur-e-ishq ki rangin hasin yaadon ke

    nuqush dil se miTane mein der lagti hai

    ye dagh-e-tark-e-marasim na dijiye hum ko

    jigar ke dagh miTane mein der lagti hai

    KHabar bhi hai tujhe dil ko ujaDne wale

    dilon ki basti basane mein der lagti hai

    tumhein qasam hai bujhao na pyar ki shamen

    unhen bujha ke jalane mein der lagti hai

    bhulaun kaise achanak kisi ka kho jaana

    ye hadsat bhulane mein der lagti hai

    zara si baat pe hum se jo ruTh jate hain

    unhen to 'soz' manane mein der lagti hai

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY