بلندی سے اتارے جا چکے ہیں
بلندی سے اتارے جا چکے ہیں
زمیں پر لا کے مارے جا چکے ہیں
دکھائے بیچ دریا کون رستہ
فلک خالی ہے تارے جا چکے ہیں
معانی کیا رہے خودداریوں کے
کہ دامن تو پسارے جا چکے ہیں
یہ پورا سچ ہے تم مانو نہ مانو
کہ اچھے دن تمہارے جا چکے ہیں
بھنک تک بھی نہ پہنچی اس کی ہم تک
ہمارے دن گزارے جا چکے ہیں
اب اس اندھے کنوئیں کو بند کر دو
کئی بچے ہمارے جا چکے ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
