bu-e-gul rang-e-hina naz-e-nasim-e-sahari

bū-e-gul rang-e-hinā nāz-e-nasīm-e-saharī

tire afsūñ kī sab ai dost hai afsāna-garī

ek hī haal pe qaa.em hai azal se ab tak

husn kī ishva-garī ishq kī shorīda-sarī

jaane vaale to sitāroñ se pare jā pahuñche

ahl-e-mahfil liye baiThe rahe shīshe kī parī

ab koī farq nahīñ in meñ ḳhazaf hoñ ki guhar

haa.e ai ahd-e-basīrat ye tirī be-basarī

kitne majrūh haiñ is daur meñ ehsās-o-shu.ūr

kitnī mazlūm hai is ahd meñ bāliġh-nazarī

tujh ko ai dost 'vafā' yaad rahe yā na rahe

haañ magar yaad rahegī mirī vīrāñ-nazarī

bu-e-gul rang-e-hina naz-e-nasim-e-sahari

tere afsun ki sab ai dost hai afsana-gari

ek hi haal pe qaem hai azal se ab tak

husn ki ishwa-gari ishq ki shorida-sari

jaane wale to sitaron se pare ja pahunche

ahl-e-mahfil liye baiThe rahe shishe ki pari

ab koi farq nahin in mein KHazaf hon ki guhar

hae ai ahd-e-basirat ye teri be-basari

kitne majruh hain is daur mein ehsas-o-shuur

kitni mazlum hai is ahd mein baaligh-nazari

tujh ko ai dost 'wafa' yaad rahe ya na rahe

han magar yaad rahegi meri viran-nazari