بزدلی سی کہاں یہ مرتی ہیں
بزدلی سی کہاں یہ مرتی ہیں
مشکلیں حوصلوں سے ڈرتی ہیں
اشک آتے ہیں جب ندامت کے
میری آنکھیں بہت نکھرتی ہیں
کاٹ دو ہاتھ ان ہواؤں کے
جو چراغوں کا قتل کرتی ہیں
کرنی پڑتی ہیں پہلے تدبیریں
پھر کہیں قسمتیں سنورتی ہیں
خواہشیں مفلسوں کے سینے میں
روز جیتی ہیں روز مرتی ہیں
صبر کی حد میں رہنا پڑتا ہے
آیتیں یوں کہاں اترتی ہیں
ڈھلتی عمروں کی لڑکیاں شاکرؔ
آئنہ دیکھنے سے ڈرتی ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
