case tera aur bhi uljhaen kya

case terā aur bhī uljhā.eñ kyā

phir se terī 'arziyāñ lauTā.eñ kyā

dikh rahā hai shahr meñ thoḌā sā amn

ek chingārī kaho bhaḌkā.eñ kyā

rang-dārī kyoñ nahīñ dī ab talak

constable bhej kar mañgvā.eñ kyā

majnūoñ kī bhiiḌ dā'vat meñ hai kyoñ

aa.ī haiñ ban-Than ke kuchh lailā.eñ kyā

hai vahī roTī jo khāte haiñ sabhī

thaal hai chāñdī kī to itrā.eñ kyā

aise ghaTiyā charge ham par lag ga.e

kyā kareñ taslīm aur Thukrā.eñ kyā

ashk jitne the vo saare bah ga.e

ab ḳhazāna aur ham luTvā.eñ kyā

apnī kursī par hī haiñ baiThe hue

aap ke kahne se ham uTh jaa.eñ kyā

TuuTā baajā aur galā baiThā hai phir

kyā bajā.eñ 'talḳh' aur vo gaa.eñ kyā

case tera aur bhi uljhaen kya

phir se teri 'arziyan lauTaen kya

dikh raha hai shahr mein thoDa sa amn

ek chingari kaho bhaDkaen kya

rang-dari kyon nahin di ab talak

constable bhej kar mangwaen kya

majnuon ki bhiD da'wat mein hai kyon

aai hain ban-Than ke kuchh lailaen kya

hai wahi roTi jo khate hain sabhi

thaal hai chandi ki to itraen kya

aise ghaTiya charge hum par lag gae

kya karen taslim aur Thukraen kya

ashk jitne the wo sare bah gae

ab KHazana aur hum luTwaen kya

apni kursi par hi hain baiThe hue

aap ke kahne se hum uTh jaen kya

TuTa baja aur gala baiTha hai phir

kya bajaen 'talKH' aur wo gaen kya