chahat ki nazar aap se Dali bhi gai hai
chāhat kī nazar aap se Daalī bhī ga.ī hai
hasrat kisī āshiq kī nikālī bhī ga.ī hai
tum ne kisī bīmār ko achchhā bhī kiyā hai
hālat kisī bigḌe kī sambhālī bhī ga.ī hai
tum khel samajhte ho magar ye to batāo
āh-e-dil-e-muztar kabhī ḳhālī bhī ga.ī hai
kyā ḳhaak karūñ meñ ḳhalish ishq kā shikva
ye phāñs kabhī tum se nikālī bhī ga.ī hai
jhagḌe bhī kahīñ rashk-e-raqābat ke miTe haiñ
ulfat meñ kabhī ḳhām-ḳhayālī bhī ga.ī hai
'muztar' ko kabhī husn kā sadqa bhī diyā hai
ye bhiik kabhī aap se Daalī bhī ga.ī hai
chahat ki nazar aap se Dali bhi gai hai
hasrat kisi aashiq ki nikali bhi gai hai
tum ne kisi bimar ko achchha bhi kiya hai
haalat kisi bigDe ki sambhaali bhi gai hai
tum khel samajhte ho magar ye to batao
aah-e-dil-e-muztar kabhi KHali bhi gai hai
kya KHak karun mein KHalish ishq ka shikwa
ye phans kabhi tum se nikali bhi gai hai
jhagDe bhi kahin rashk-e-raqabat ke miTe hain
ulfat mein kabhi KHam-KHayali bhi gai hai
'muztar' ko kabhi husn ka sadqa bhi diya hai
ye bhik kabhi aap se Dali bhi gai hai
Source:
Khirman (Part-1) (Pg. 235)
- Author: Muztar Khairabadi
-
- Edition: 2015
- Publisher: Javed Akhtar
- Year of Publication: 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
