چاند گم صم چمکتا ہوا اور میں
یاد کا باب کھلتا ہوا اور میں
کچھ عجب سا تھا منظر گئی رات کا
دور گھڑیال بجتا ہوا اور میں
ہانپتا کانپتا شہر کا راستہ
داستاں اپنی کہتا ہوا اور میں
کوئی سنتا نہیں شور تنہائی کا
ایک دل ہے دھڑکتا ہوا اور میں
مختلف ہوکے بھی ایک جیسے لگے
ایک بادل بھٹکتا ہوا اور میں
بیٹھیے کس جگہ جائیے اب کہاں
ہر طرف خار اگتا ہوا اور میں
گھر کے چھوٹے سے اک آئنہ میں صدفؔ
میرا چہرہ بدلتا ہوا اور میں
مأخذ:
Sargoshi Baharon Ki (Pg. 106)
- مصنف: Sadaf Jafri
-
- اشاعت: 2000
- ناشر: Maktaba Talimat
- سن اشاعت: 2000
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
