aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

chand ko talab mujhko KHwab wapas kar diya

Abbas Tabish

chand ko talab mujhko KHwab wapas kar diya

Abbas Tabish

MORE BYAbbas Tabish

    chāñd ko tālāb mujh ko ḳhvāb vāpas kar diyā

    din-Dhale sūraj ne sab asbāb vāpas kar diyā

    is tarah bichhḌā ki aglī raunaqeñ phir aa ga.iiñ

    us ne merā halqa-e-ahbāb vāpas kar diyā

    phir bhaTaktā phir rahā hai koī burj-e-dil ke paas

    kis ko ai chashm-e-sitāra-yāb vāpas kar diyā

    maiñ ne āñkhoñ ke kināre bhī na tar hone diye

    jis taraf se aayā thā sailāb vāpas kar diyā

    jaane kis dīvār se Takrā ke lauT aa.ī hai geñd

    jaane kis dīvār ne mahtāb vāpas kar diyā

    phir to us yaad bhī rakkhī na maiñ ne apne paas

    jab kiyā vāpas to kul asbāb vāpas kar diyā

    iltijā.eñ kar ke māñgī thī mohabbat kasak

    be-dilī ne yuuñ ġham-e-nāyāb vāpas kar diyā

    chand ko talab mujh ko KHwab wapas kar diya

    din-Dhale suraj ne sab asbab wapas kar diya

    is tarah bichhDa ki agli raunaqen phir aa gain

    us ne mera halqa-e-ahbab wapas kar diya

    phir bhaTakta phir raha hai koi burj-e-dil ke pas

    kis ko ai chashm-e-sitara-yab wapas kar diya

    main ne aankhon ke kinare bhi na tar hone diye

    jis taraf se aaya tha sailab wapas kar diya

    jaane kis diwar se Takra ke lauT aai hai gend

    jaane kis diwar ne mahtab wapas kar diya

    phir to us ki yaad bhi rakkhi na main ne apne pas

    jab kiya wapas to kul asbab wapas kar diya

    iltijaen kar ke mangi thi mohabbat ki kasak

    be-dili ne yun gham-e-nayab wapas kar diya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now