chand kya abr ki chadar se nikal aaya hai
chāñd kyā abr kī chādar se nikal aayā hai
ek āvāra-e-shab ghar se nikal aayā hai
us ko bhī chāhiye ab ghar se nikal kar aa.e
rizq jis ke liye patthar se nikal aayā hai
aisā sannāTā hai bāhar ki use dekhne ko
shor saarā mire andar se nikal aayā hai
us ne dastak kī sa'ādat nahīñ baḳhshī mujh ko
chaap sunte hī mirī ghar se nikal aayā hai
kaun is shahr meñ zinda hai ki pūchhe mujh se
kaise zinda tū samundar se nikal aayā hai
zaḳhm se baḌh ke kahīñ gahrā hai 'kāshif-ġhā.ir'
vo ta'alluq jo rafūgar se nikal aayā hai
chand kya abr ki chadar se nikal aaya hai
ek aawara-e-shab ghar se nikal aaya hai
us ko bhi chahiye ab ghar se nikal kar aae
rizq jis ke liye patthar se nikal aaya hai
aisa sannaTa hai bahar ki use dekhne ko
shor sara mere andar se nikal aaya hai
us ne dastak ki sa'adat nahin baKHshi mujh ko
chap sunte hi meri ghar se nikal aaya hai
kaun is shahr mein zinda hai ki puchhe mujh se
kaise zinda tu samundar se nikal aaya hai
zaKHm se baDh ke kahin gahra hai 'kashif-ghair'
wo ta'alluq jo rafugar se nikal aaya hai
- Book : Ek Shaam Tumhare Hisse Ki (Pg. 57)
- Author : Kashif Husain Ghair
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
