aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

chand sa chehra nur ki chitwan masha-allah masha-allah

Ameer Minai

chand sa chehra nur ki chitwan masha-allah masha-allah

Ameer Minai

MORE BYAmeer Minai

    chāñd chehra nuur chitvan māshā-allāh māshā-allāh

    turfa nikālā aap ne joban māshā-allāh māshā-allāh

    gul ruḳh-e-nāzuk zulf hai sumbul aañkh hai nargis seb-e-zanaḳhdāñ

    husn se tum ho ġhairat-e-gulshan māshā-allāh māshā-allāh

    sāqī-e-bazm-e-roz-e-azal ne bāda-e-husn bharā hai is meñ

    āñkheñ haiñ sāġhar shīsha hai gardan māshā-allāh māshā-allāh

    qahr ġhazab zāhir rukāvaT āfat-e-jāñ dar-parda lagāvaT

    chaah tevar pyaar chitvan māshā-allāh māshā-allāh

    ġhamza uchakkā ishva hai Daaku qahr adā.eñ sehr haiñ bāteñ

    chor nigāheñ naaz hai rahzan māshā-allāh māshā-allāh

    nuur tan hai nuur ke kapḌe us par kyā zevar chamak hai

    chhalle kañgan ikke joshan māshā-allāh māshā-allāh

    jam.a kiyā ziddain ko tum ne saḳhtī aisī narmī aisī

    mom badan hai dil hai aahan māshā-allāh māshā-allāh

    vaah 'amīr' aisā ho kahnā sher haiñ ma.ashūq gahna

    saaf hai bandish mazmūñ raushan māshā-allāh māshā-allāh

    chand sa chehra nur ki chitwan masha-allah masha-allah

    turfa nikala aap ne joban masha-allah masha-allah

    gul ruKH-e-nazuk zulf hai sumbul aankh hai nargis seb-e-zanaKHdan

    husn se tum ho ghairat-e-gulshan masha-allah masha-allah

    saqi-e-bazm-e-roz-e-azal ne baada-e-husn bhara hai is mein

    aankhen hain saghar shisha hai gardan masha-allah masha-allah

    qahr ghazab zahir ki rukawaT aafat-e-jaan dar-parda lagawaT

    chah ki tewar pyar ki chitwan masha-allah masha-allah

    ghamza uchakka ishwa hai Daku qahr adaen sehr hain baaten

    chor nigahen naz hai rahzan masha-allah masha-allah

    nur ka tan hai nur ke kapDe us par kya zewar ki chamak hai

    chhalle kangan ikke joshan masha-allah masha-allah

    jama kiya ziddain ko tum ne saKHti aisi narmi aisi

    mom badan hai dil hai aahan masha-allah masha-allah

    wah 'amir' aisa ho kahna sher hain ya mashuq ka gahna

    saf hai bandish mazmun raushan masha-allah masha-allah

    Source:

    Ghazal Usne Chhedi(3) (Pg. 222)

    • Author: Farhat Ehsas
      • Edition: 2017
      • Publisher: Rekhta Books
      • Year of Publication: 2017
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now