chand-taron ka tere ru-ba-ru sajda karna

Urooj Zaidi Badayuni

chand-taron ka tere ru-ba-ru sajda karna

Urooj Zaidi Badayuni

MORE BYUrooj Zaidi Badayuni

    chāñd-tāroñ tire rū-ba-rū sajda karnā

    ḳhvāb dekhā hai to kyā ḳhvāb charchā karnā

    husn-e-barham se mirā arz-e-tamannā karnā

    jaise tūfān meñ sāhil se kinārā karnā

    raas aa.egā na ye koshish-e-bejā karnā

    bad-gumānī ko baḌhā kar mujhe tanhā karnā

    merī jānib se hai ḳhāmosh darīche savāl

    kab se sīkhā tirī āvāz ne parvā karnā

    har-qadam par mirī kāñToñ ne pazīrā.ī

    jurm pūchho to bahāroñ tamannā karnā

    dāvat-e-shoḳhī-e-taqdīr use kahte haiñ

    kār-e-imroz na karnā ġham-e-fardā karnā

    un mohtāt-nigāhī ne bharam khol diyā

    jin ko manzūr na thā raaz ifshā karnā

    vaqt ke hāthoñ meñ tiryāk bhī hai zahr bhī hai

    us ko yak-rañg samajh kar na bharosā karnā

    tarjumān-e-ġham-e-dil un nazar hotī hai

    jin ko aatā nahīñ iz.hār-e-tamannā karnā

    ḳhud-numā.ī nahīñ insān ḳhuddārī hai

    parcham-e-azmat-e-kirdār ko ūñchā karnā

    zulmat-e-jumbish-e-lab nahīñ ummīd magar

    nigah-e-nāz na bhūlegī ishārā karnā

    go maiñ yūsuf nahīñ dāman to mire paas bhī hai

    tum zarā pairvī-e-dast-e-zuleḳhā karnā

    ai ki nāzish-e-sannā.ī-e-dast-e-fitrat

    kaash aatā na tujhe ḳhūn-e-tamannā karnā

    jāda-e-ishq meñ ik aisā maqām aatā hai

    shart-e-avval hai jahāñ tark-e-tamannā karnā

    aap ke ahd-e-vafā par mirā īmāñ jaise

    kisī girtī huī dīvār pe takiya karnā

    koshish-e-zabt meñ har saañs qayāmat hai 'urūj'

    khel samjhe ho ġham-e-dil ko gavārā karnā

    chand-taron ka tere ru-ba-ru sajda karna

    KHwab dekha hai to kya KHwab ka charcha karna

    husn-e-barham se mera arz-e-tamanna karna

    jaise tufan mein sahil se kinara karna

    ras aaega na ye koshish-e-beja karna

    bad-gumani ko baDha kar mujhe tanha karna

    meri jaanib se hai KHamosh dariche ka sawal

    kab se sikha teri aawaz ne parwa karna

    har-qadam par meri kanTon ne pazirai ki

    jurm puchho to bahaaron ki tamanna karna

    dawat-e-shoKHi-e-taqdir use kahte hain

    kar-e-imroz na karna gham-e-farda karna

    un ki mohtat-nigahi ne bharam khol diya

    jin ko manzur na tha raaz ka ifsha karna

    waqt ke hathon mein tiryak bhi hai zahr bhi hai

    us ko yak-rang samajh kar na bharosa karna

    tarjuman-e-gham-e-dil un ki nazar hoti hai

    jin ko aata nahin izhaar-e-tamanna karna

    KHud-numai nahin insan ki KHuddari hai

    parcham-e-azmat-e-kirdar ko uncha karna

    zulmat-e-jumbish-e-lab ki nahin ummid magar

    nigah-e-naz na bhulegi ishaara karna

    go main yusuf nahin daman to mere pas bhi hai

    tum zara pairwi-e-dast-e-zuleKHa karna

    ai ki tu nazish-e-sannai-e-dast-e-fitrat

    kash aata na tujhe KHun-e-tamanna karna

    jada-e-ishq mein ek aisa maqam aata hai

    shart-e-awwal hai jahan tark-e-tamanna karna

    aap ke ahd-e-wafa par mera iman jaise

    kisi girti hui diwar pe takiya karna

    koshish-e-zabt mein har sans qayamat hai 'uruj'

    khel samjhe ho gham-e-dil ko gawara karna

    Source:

    • Book : Lahje ke Chiraag (Pg. 100)
    • Author : Urooj Zaidi
    • Publication : Irfan Zaidi, Rampur (1989)
    • Edition : 1989
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY