چاندنی رات ہے تاروں کا جہاں ہے اے دوست
چاندنی رات ہے تاروں کا جہاں ہے اے دوست
زندگی ساحل دریا پہ رواں ہے اے دوست
اشک شوئی کے لئے اب بھی ہیں دامن لرزاں
زندگی آج بھی اک خواب گراں ہے اے دوست
اب بھی مایوس ہیں وابستۂ تقدیر ہیں دل
اب بھی اٹھتا ہوا سینے سے دھواں ہے اے دوست
کتنے بے رنگ سے خاکوں میں لہو بھرتی ہوں
دل کی دھڑکن سے مرا رشتۂ جاں ہے اے دوست
دل کے داغوں ہی سے تزئین گلستاں کی ہے
قابل دید بہاروں کا سماں ہے اے دوست
جبر کیا چیز ہے بے داد کی قیمت کیا ہے
ذہن آزاد ہے احسان جواں ہے اے دوست
دشت تو دشت تھا گلشن میں بھی وحشت سی ہے
کارواں کون سی منزل میں رواں ہے اے دوست
یہ نیا سال ہے نکھری ہوئی فکروں کا امیں
یہی سرمایہ یہی گنج گراں ہے اے دوست
مأخذ:
دشت تمنا (Pg. 78)
- مصنف: زبیدہ تحسین
-
- ناشر: محفل خواتین
- سن اشاعت: 1976
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
