chār-sū ālam-e-imkāñ meñ añdherā dekhā
tū jidhar hai usī jānib ko ujālā dekhā
us pe qurbān ki jis ne tirī āvāz sunī
sadqe us aañkh ke jis ne tirā jalva dekhā
ḳhalvat-e-quds kī be-parda tajallī ko na pūchh
shauq-e-nazzāra meñ sirf aañkh kā parda dekhā
aañkh jab band huī khul gayā rāz-e-qudrat
shān-e-ma.abūd añdhere meñ ujālā dekhā
parda uTh jā.egā jab rū-e-tajallī se kalīm
aap ḳhud muñh se kaheñge ki abhī kyā dekhā
rū-e-gul rañg-e-ḳhizāñ josh-e-junūñ fasl-e-bahār
chaar din ke liye is baaġh meñ kyā kyā dekhā
'auj' kaj-baḳhtī-e-arbāb-e-suḳhan se kyā bahs
dāman-e-gul kabhī kāñToñ meñ na uljhā dekhā
chaar-su aalam-e-imkan mein andhera dekha
tu jidhar hai usi jaanib ko ujala dekha
us pe qurban ki jis ne teri aawaz suni
sadqe us aankh ke jis ne tera jalwa dekha
KHalwat-e-quds ki be-parda tajalli ko na puchh
shauq-e-nazzara mein sirf aankh ka parda dekha
aankh jab band hui khul gaya raaz-e-qudrat
shan-e-mabud andhere mein ujala dekha
parda uTh jaega jab ru-e-tajalli se kalim
aap KHud munh se kahenge ki abhi kya dekha
ru-e-gul rang-e-KHizan josh-e-junun fasl-e-bahaar
chaar din ke liye is bagh mein kya kya dekha
'auj' kaj-baKHti-e-arbab-e-suKHan se kya bahs
daman-e-gul kabhi kanTon mein na uljha dekha
Source:
khum-khana-e-javed-volume-001 (Pg. 515)
-
Author:
Lala Sri Ram
-
- Edition: 1908
- Publisher: Munshi Nawal Kishor, Lucknow
- Year of Publication: 1908
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.