aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

chaDhte dariya se bhi gar par utar jaoge

Makhmoor Saeedi

chaDhte dariya se bhi gar par utar jaoge

Makhmoor Saeedi

MORE BYMakhmoor Saeedi

    chaḌhte dariyā se bhī gar paar utar jāoge

    paañv rakhte kināre pe bikhar jāoge

    vaqt har moḌ pe dīvār khaḌī kar degā

    vaqt qaid se ghabrā ke jidhar jāoge

    ḳhāna-barbād samajh kar hameñ Dhaltī huī raat

    tanz se pūchhtī hai kaun se ghar jāoge

    sach kaho shaam āvāra havā ke jhoñko

    us ḳhushbū ke ta.āqub meñ kidhar jāoge

    aage baḌh jā.eñge phir donoñ chup chup yuuñ to

    maiñ pukārūñgā tumheñ tum bhī Thahar jāoge

    zabt-e-ehsās ke zindāñ se kahīñ bhaag chalo

    aur kuchh der yahāñ Thahre to mar jāoge

    naqsh-e-imroz se aage na nigāheñ dauḌāo

    kal tasvīr jo dekhoge to Dar jāoge

    maiñ bhī saaya huuñ siyah raat meñ kho jā.ūñgā

    tum bhī ik ḳhvāb ho pal-bhar meñ bikhar jāoge

    rāste shahr ke sab band hue haiñ tum par

    ghar se nikaloge to 'maḳhmūr' kidhar jāoge

    chaDhte dariya se bhi gar par utar jaoge

    panw rakhte hi kinare pe bikhar jaoge

    waqt har moD pe diwar khaDi kar dega

    waqt ki qaid se ghabra ke jidhar jaoge

    KHana-barbaad samajh kar hamein Dhalti hui raat

    tanz se puchhti hai kaun se ghar jaoge

    sach kaho sham ki aawara hawa ke jhonko

    us ki KHushbu ke taaqub mein kidhar jaoge

    aage baDh jaenge phir donon hi chup chup yun to

    main pukarunga tumhein tum bhi Thahar jaoge

    zabt-e-ehsas ke zindan se kahin bhag chalo

    aur kuchh der yahan Thahre to mar jaoge

    naqsh-e-imroz se aage na nigahen dauDao

    kal ki taswir jo dekhoge to Dar jaoge

    main bhi saya hun siyah raat mein kho jaunga

    tum bhi ek KHwab ho pal-bhar mein bikhar jaoge

    raste shahr ke sab band hue hain tum par

    ghar se nikaloge to 'maKHmur' kidhar jaoge

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now