chala gaya kab ka jaane wala meri nigahon mein aab likh kar

chalā gayā kab kā jaane vaalā mirī nigāhoñ meñ aab likh kar

maiñ sochtā huuñ kabhī kabhī ye ga.e dinoñ kā hisāb likh kar

kabhī thā jis se lagāo mujh ko karūñgā rusvā maiñ kaise us ko

sharāb likh kar 'azāb likh kar javāb likh kar ḳharāb likh kar

zamāne bhar kī nigāh meñ to maiñ ho gayā thā tabhī se bāġhī

kiyā thā sajda ḳhudā ko maiñ ne tire laboñ ko gulāb likh kar

phir us ke dāman pe koī uñglī uThe mujhe kyā qubūl hogā

maiñ daaġh us par lagā duuñ kaise bhalā use māhtāb likh kar

ġhazal tarannum se gar sajī hai to shā'irī meñ bhī ho sadāqat

vo de rahā hai adab ko dhokā charāġh ko āftāb likh kar

na aise hasrat na ye talab hai na ye dimāġhī futūr 'dīpak'

ki chhū luuñ shohrat kī maiñ bulandī ġhazal kī koī kitāb likh kar

chala gaya kab ka jaane wala meri nigahon mein aab likh kar

main sochta hun kabhi kabhi ye gae dinon ka hisab likh kar

kabhi tha jis se lagao mujh ko karunga ruswa main kaise us ko

sharab likh kar 'azab likh kar jawab likh kar KHarab likh kar

zamane bhar ki nigah mein to main ho gaya tha tabhi se baghi

kiya tha sajda KHuda ko main ne tere labon ko gulab likh kar

phir us ke daman pe koi ungli uThe mujhe kya qubul hoga

main dagh us par laga dun kaise bhala use mahtab likh kar

ghazal tarannum se gar saji hai to sha'iri mein bhi ho sadaqat

wo de raha hai adab ko dhoka charagh ko aaftab likh kar

na aise hasrat na ye talab hai na ye dimaghi futur 'dipak'

ki chhu lun shohrat ki main bulandi ghazal ki koi kitab likh kar