chala hai o dil-e-rahat-talab kya shadman ho kar

Khwaja Mohammad Wazir

chala hai o dil-e-rahat-talab kya shadman ho kar

Khwaja Mohammad Wazir

MORE BYKhwaja Mohammad Wazir

    chalā hai o dil-e-rāhat-talab kyā shādmāñ ho kar

    zamīn-e-kū-e-jānāñ rañj degī āsmāñ ho kar

    kiyā vīrāñ chaman ko aa.e ho kyā bostāñ ho kar

    hue gul paanī paanī ye chalī āb-e-ravāñ ho kar

    isī ḳhātir to qatl-e-āshiqāñ se man.a karte the

    akele phir rahe ho yūsuf-e-be-kārvāñ ho kar

    javāb-e-nāma kyā laayā tan-e-be-jāñ meñ jaan aa.ī

    gayā yaañ se kabūtar vaañ se aayā murġh-e-jāñ ho kar

    ġhazab hai ruuh se is jāma-e-tan judā honā

    libās-e-tañg hai utregā āḳhir dhajjiyāñ ho kar

    agar āhista bolūñ nā-tavānī kahtī hai bas bas

    sadā-e-jumbish-e-lab dete sadme fuġhāñ ho kar

    izār-e-ātishīñ ḳhatt-e-siyah ik din nikālegā

    rulā.egā ye sho.ala merī āñkhoñ dhuāñ ho kar

    mukaddar ho agar lo mujh ko gaaḌo is taraf dekho

    ki zer-e-ḳhāk huuñ gard-e-nigah se nā-tavāñ ho kar

    kiyā ġhairoñ ko qatl us ne mue ham rashk ke maare

    ajal bhī dosto aa.ī nasīb-e-dushmanāñ ho kar

    phirā sad-chāk ho kar kūcha-e-kākul se dil apnā

    azīzo yūsuf-e-gum-gashta aayā kārvāñ ho kar

    kamān abrū aise narm hai aa.egā jo nāvak

    rahegā ustuḳhvāñ meñ apne maġhz-e-ustuḳhvāñ ho kar

    chhuḌā.ī chuus kar ham ne misī to kyā hai sharmāyā

    lab us mahjūb chhupne lagā muñh meñ zabāñ ho kar

    falak merī tarah āḳhir tujhe bhī piis Dālegā

    uḌegā ai humā ik roz gard-e-ustuḳhvāñ ho kar

    humā se hai kaḌāpan ai sag-e-jānāñ jo khaa.e

    mulā.em ustuḳhvāñ ho jaa.eñ maġhz-e-ustuḳhvāñ ho kar

    jahāñ jo chāhiye vaisī vo dikhlā.e nairañgī

    basar āñkhoñ meñ goyā.ī zabāñ meñ dil meñ jaañ ho kar

    sitam kar us ke ye dekhe to ḳhūñ-rezī pe maa.il ho

    kare sañg-e-malāmat tez ḳhanjar ko fasāñ ho kar

    nahāne meñ jo lahrātī hai zulf-e-yār dariyā meñ

    taḌapne lagtī haiñ paanī pe maujeñ machhliyāñ ho kar

    udāsī jhuk ke milte ho nigah se qatl karte ho

    sitam-ījād ho nāvak lagāte ho kamāñ ho kar

    uThā.egī jo ham ko vahshat-e-dil yaar ke dar se

    gireñge pā.ezī paañv pe apne beḌiyāñ ho kar

    kahā jo us ne chāhā zo.af se yaañ lab nahīñ milte

    subuk kar detī haiñ harf-e-suḳhan bār-e-garāñ ho kar

    asar baaqī rahā balbe shab-e-furqat tārīkī

    charāġh-e-rose se sho.ala nikal aayā dhuāñ ho kar

    ḳhat-e-nau-ḳhez meñ aariz jo tere chhupte jaate haiñ

    parī ban jā.eñge is sabz shīshe meñ nihāñ ho kar

    girā qadmoñ pe said-e-nā-tavāñ thā haath se chhuT kar

    jagah de ab to naqsh-e-pāe-e-sayyād āshiyāñ ho kar

    tire vahshī ko barsoñ ai parī kab niiñd aatī hai

    agar ḳhvāb-e-girāñ aayā bhī to sañg-e-girāñ ho kar

    'vazīr' us huuñ maiñ shāgird jis ko kahte haiñ munsif

    liyā mulk-e-ma.ānī bādshāh-e-shā.irāñ ho kar

    chala hai o dil-e-rahat-talab kya shadman ho kar

    zamin-e-ku-e-jaanan ranj degi aasman ho kar

    kiya viran chaman ko aae ho kya bostan ho kar

    hue gul pani pani ye chali aab-e-rawan ho kar

    isi KHatir to qatl-e-ashiqan se mana karte the

    akele phir rahe ho yusuf-e-be-karwan ho kar

    jawab-e-nama kya laya tan-e-be-jaan mein jaan aai

    gaya yan se kabutar wan se aaya murgh-e-jaan ho kar

    ghazab hai ruh se is jama-e-tan ka juda hona

    libas-e-tang hai utrega aaKHir dhajjiyan ho kar

    agar aahista bolun na-tawani kahti hai bas bas

    sada-e-jumbish-e-lab dete hi sadme fughan ho kar

    izar-e-atishin KHatt-e-siyah ek din nikalega

    rulaega ye shoala meri aankhon ka dhuan ho kar

    mukaddar ho agar lo mujh ko gaDo is taraf dekho

    ki zer-e-KHak hun gard-e-nigah se na-tawan ho kar

    kiya ghairon ko qatl us ne mue hum rashk ke mare

    ajal bhi dosto aai nasib-e-dushmanan ho kar

    phira sad-chaak ho kar kucha-e-kakul se dil apna

    azizo yusuf-e-gum-gashta aaya karwan ho kar

    kaman abru ki aise narm hai aaega jo nawak

    rahega ustuKHwan mein apne maghz-e-ustuKHwan ho kar

    chhuDai chus kar hum ne misi to kya hai sharmaya

    lab us mahjub ka chhupne laga munh mein zaban ho kar

    falak meri tarah aaKHir tujhe bhi pis Dalega

    uDega ai huma ek roz gard-e-ustuKHwan ho kar

    huma se hai kaDapan ai sag-e-jaanan jo tu khae

    mulaem ustuKHwan ho jaen maghz-e-ustuKHwan ho kar

    jahan jo chahiye waisi hi wo dikhlae nairangi

    basar aankhon mein goyai zaban mein dil mein jaan ho kar

    sitam kar us ke ye dekhe to KHun-rezi pe mail ho

    kare sang-e-malamat tez KHanjar ko fasan ho kar

    nahane mein jo lahraati hai zulf-e-yar dariya mein

    taDapne lagti hain pani pe maujen machhliyan ho kar

    udasi jhuk ke milte ho nigah se qatl karte ho

    sitam-ijad ho nawak lagate ho kaman ho kar

    uThaegi jo hum ko wahshat-e-dil yar ke dar se

    girenge paezi panw pe apne beDiyan ho kar

    kaha jo us ne chaha zoaf se yan lab nahin milte

    subuk kar deti hain harf-e-suKHan bar-e-garan ho kar

    asar baqi raha balbe shab-e-furqat ki tariki

    charagh-e-rose se shoala nikal aaya dhuan ho kar

    KHat-e-nau-KHez mein aariz jo tere chhupte jate hain

    pari ban jaenge is sabz shishe mein nihan ho kar

    gira qadmon pe said-e-na-tawan tha hath se chhuT kar

    jagah de ab to naqsh-e-pae-e-sayyaad aashiyan ho kar

    tere wahshi ko barson ai pari kab nind aati hai

    agar KHwab-e-giran aaya bhi to sang-e-giran ho kar

    'wazir' us ka hun main shagird jis ko kahte hain munsif

    liya mulk-e-maani baadshah-e-shairan ho kar

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY