چلے چلو جہاں لے جائے ولولہ دل کا

یگانہ چنگیزی

چلے چلو جہاں لے جائے ولولہ دل کا

یگانہ چنگیزی

MORE BYیگانہ چنگیزی

    چلے چلو جہاں لے جائے ولولہ دل کا

    دلیل راہ محبت ہے فیصلہ دل کا

    ہوائے کوچۂ قاتل سے بس نہیں چلتا

    کشاں کشاں لیے جاتا ہے ولولہ دل کا

    گلہ کسے ہے کہ قاتل نے نیم جاں چھوڑا

    تڑپ تڑپ کے نکالوں گا حوصلہ دل کا

    خدا بچائے کہ نازک ہے ان میں ایک سے ایک

    تنک مزاجوں سے ٹھہرا معاملہ دل کا

    دکھا رہا ہے یہ دونوں جہاں کی کیفیت

    کرے گا ساغر جم کیا مقابلہ دل کا

    ہوا سے وادئ وحشت میں باتیں کرتے ہو

    بھلا یہاں کوئی سنتا بھی ہے گلہ دل کا

    قیامت آئی کھلا راز عشق کا دفتر

    بڑا غضب ہوا پھوٹا ہے آبلہ دل کا

    کسی کے ہو رہو اچھی نہیں یہ آزادی

    کسی کی زلف سے لازم ہے سلسلہ دل کا

    پیالہ خالی اٹھا کر لگا لیا منہ سے

    کہ یاسؔ کچھ تو نکل جائے حوصلہ دل کا

    RECITATIONS

    فصیح اکمل

    فصیح اکمل

    فصیح اکمل

    چلے چلو جہاں لے جائے ولولہ دل کا فصیح اکمل

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY