chalte hain gulshan-e-firdaus mein ghar lete hain

Agha Hajju Sharaf

chalte hain gulshan-e-firdaus mein ghar lete hain

Agha Hajju Sharaf

MORE BYAgha Hajju Sharaf

    chalte haiñ gulshan-e-firdaus meñ ghar lete haiñ

    tai ye manzil jo ḳhudā chāhe to kar lete haiñ

    ishq kis vāste karte haiñ parī-zādoñ se

    kis liye jaan par aafat ye bashar lete haiñ

    dekhne bhī jo vo jaate haiñ kisī ghā.el ko

    ik namak-dāñ meñ namak piis ke bhar lete haiñ

    ḳhaak uḌ jaatī hai suthrāv udhar hotā hai

    nīmchā kheñch ke vo baag jidhar lete haiñ

    maiñ vo bīmār huuñ allāh se ke iisā

    mire nusḳhoñ ke liye hukm-e-asar lete haiñ

    yaar ne luuT liyā mujh vatan-āvāra ko

    log ġhurbat meñ musāfir ḳhabar lete haiñ

    is taraf haiñ ki jharoke meñ udhar baiThe haiñ

    jā.eza kushtoñ apne vo kidhar lete haiñ

    Thiik us rashk-e-chaman ko vo qabā hotī hai

    naap kar jis rag-e-gul se kamar lete haiñ

    kuchh Thikānā hai parī-zādoñ be-rahmī

    ishq-bāzoñ se qisās aaTh pahar lete haiñ

    ye nayā zulm hai ġhussa jo unheñ aatā hai

    be-gunāhoñ ko bhī māḳhūz vo kar lete haiñ

    shohrat us said-e-vafādār uḌ jaatī hai

    tiir meñ jis ke lagāne ko vo par lete haiñ

    kahte haiñ hūroñ ke dil meñ tire kushtoñ ke banāv

    is liye ḳhuuñ meñ nahā kar vo nikhar lete haiñ

    kis qadar nāma-o-paiġhām ko tarsāyā hai

    bhejte haiñ ḳhabar apnī na ḳhabar lete haiñ

    dam nikalte haiñ kalejoñ se lahū jaarī hai

    saañs ulTī tire taftīda-jigar lete haiñ

    chal khaḌe hoñge to hastī maiñ na phir Thahreñge

    jān-e-jāñ chand nafas dam ye bashar lete haiñ

    hai ishāra yahī mū-hā-e-mizha un

    ham vo nashtar haiñ ki jo ḳhūn-e-jigar lete haiñ

    sāmnā karte haiñ jis vaqt gadā tere

    bādshah taḳht-e-ravāñ par se utar lete haiñ

    sikka-e-dāġh-e-junūñ paas haiñ rahnā hoshyār

    log raste meñ 'sharaf' jeb katar lete haiñ

    chalte hain gulshan-e-firdaus mein ghar lete hain

    tai ye manzil jo KHuda chahe to kar lete hain

    ishq kis waste karte hain pari-zadon se

    kis liye jaan par aafat ye bashar lete hain

    dekhne bhi jo wo jate hain kisi ghael ko

    ek namak-dan mein namak pis ke bhar lete hain

    KHak uD jati hai suthraw udhar hota hai

    nimcha khench ke wo bag jidhar lete hain

    main wo bimar hun allah se ja ke isa

    mere nusKHon ke liye hukm-e-asar lete hain

    yar ne luT liya mujh watan-awara ko

    log ghurbat mein musafir ki KHabar lete hain

    is taraf hain ki jharoke mein udhar baiThe hain

    jaeza kushton ka apne wo kidhar lete hain

    Thik us rashk-e-chaman ko wo qaba hoti hai

    nap kar jis ki rag-e-gul se kamar lete hain

    kuchh Thikana hai pari-zadon ki be-rahmi ka

    ishq-bazon se qisas aaTh pahar lete hain

    ye naya zulm hai ghussa jo unhen aata hai

    be-gunahon ko bhi maKHuz wo kar lete hain

    shohrat us said-e-wafadar ki uD jati hai

    tir mein jis ke lagane ko wo par lete hain

    kahte hain huron ke dil mein tere kushton ke banaw

    is liye KHun mein naha kar wo nikhar lete hain

    kis qadar nama-o-paigham ko tarsaya hai

    bhejte hain KHabar apni na KHabar lete hain

    dam nikalte hain kalejon se lahu jari hai

    sans ulTi tere taftida-jigar lete hain

    chal khaDe honge to hasti main na phir Thahrenge

    jaan-e-jaan chand nafas dam ye bashar lete hain

    hai ishaara yahi mu-ha-e-mizha ka un ki

    hum wo nashtar hain ki jo KHun-e-jigar lete hain

    samna karte hain jis waqt gada ka tere

    baadshah taKHt-e-rawan par se utar lete hain

    sikka-e-dagh-e-junun pas hain rahna hoshyar

    log raste mein 'sharaf' jeb katar lete hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY