chalte rahne ke liye dil mein guman koi to ho
chalte rahne ke liye dil meñ gumāñ koī to ho
be-natīja hī sahī par imtihāñ koī to ho
āsmānoñ ke sitam sahtī haiñ is ke bāvajūd
sab zamīneñ chāhtī haiñ āsmāñ koī to ho
mehrbānoñ hī se bach kar aa.e the tum dasht meñ
ab yahāñ bhī lag rahā hai mehrbāñ koī to ho
qahqahoñ ko yaad rakhtī hī nahīñ duniyā kabhī
is liye dukh kī bhī pyāre dāstāñ koī to ho
kar rahā huuñ maiñ daraḳhtoñ se musalsal guftugū
is ghane jañgal meñ 'dānish' ham-zabāñ koī to ho
chalte rahne ke liye dil mein guman koi to ho
be-natija hi sahi par imtihan koi to ho
aasmanon ke sitam sahti hain is ke bawajud
sab zaminen chahti hain aasman koi to ho
mehrbanon hi se bach kar aae the tum dasht mein
ab yahan bhi lag raha hai mehrban koi to ho
qahqahon ko yaad rakhti hi nahin duniya kabhi
is liye dukh ki bhi pyare dastan koi to ho
kar raha hun main daraKHton se musalsal guftugu
is ghane jangal mein 'danish' ham-zaban koi to ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
