چناریں وادیوں میں مشتعل ہیں
دریغا سرو ابھی تک پا بہ گل ہیں
اٹھے ہیں لالۂ خونیں کفن پھر
یہی شعلے جہان مستقل ہیں
اگر دو گام پر منزل ہے پھر کیوں
چٹانیں زندگی کی منفعل ہیں
گلوں پر بے دلی کا رنگ کیوں ہے
عنادل صحن گلشن میں خجل ہیں
رفو ہو جائیں گے چاک بہاراں
خزاں کے گھاؤ دیکھو مندمل ہیں
کھنکتے ہی رہے شیشے تو کس کام
لبوں تک جام جا پہنچیں تو دل ہیں
گئے منزل بہ منزل دار تک ہم
مراحل عشق کے کب جاں گسل ہیں
ملے ہیں بعد مدت کے تو جانا
بہت اپنے کئے پر منفعل ہیں
ٹھکانہ کیا ہے ایسے دوستوں کا
مقابل ہیں نہ میرے متصل ہیں
مأخذ:
Funoon(Jadeed Ghazal Number: Volume-002) (Pg. 151)
-
- اشاعت: 1969
- ناشر: احمد ندیم قاسمی
- سن اشاعت: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
