چند آنسو سنبھال رکھے ہیں
چند آنسو سنبھال رکھے ہیں
اور رنج و ملال رکھے ہیں
محتسب آ تجھے دکھاؤں میں
میں نے بس درد پال رکھے ہیں
زندگی نے چھپا کے دامن میں
کیسے کیسے زوال رکھے ہیں
مجھ کو اڑنے کی آرزو ہے بہت
سنگ اس نے سنبھال رکھے ہیں
روز محشر کے انتظار میں ہوں
لب پہ کتنے سوال رکھے ہیں
چار دن کی ہے زندگی شاہدؔ
سانس اس میں محال رکھے ہیں
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
