chand harfon ne bahut shor macha rakkha hai

Rafiq Raaz

chand harfon ne bahut shor macha rakkha hai

Rafiq Raaz

MORE BYRafiq Raaz

    chand harfoñ ne bahut shor machā rakkhā hai

    ya.anī kāġhaz pe koī hashr uThā rakkhā hai

    mujh ko to apne sivā kuchh nazar aatā nahīñ

    maiñ ne dīvāroñ ko ā.īna banā rakkhā hai

    aap ke paañv tale se bhī khisaktī hai zamīñ

    aap ne kyuuñ ye falak sar pe uThā rakkhā hai

    mus.haf-e-zāt tafsīr hai ye gahrī chup

    chup ma.anī hai miyāñ harf meñ kyā rakkhā hai

    mujh pe to bhārī nahīñ koī shab-e-hijr mujhe

    zaḳhmoñ ne sarv charāġhacharān banā rakkhā hai

    merā har kaam qayāmat uThā detā hai

    ne har kaam qayāmat pe uThā rakkhā hai

    gulshan-e-dil abhī shādāb hai pazhmurda nahīñ

    mausam-e-ġham ne use kitnā harā rakkhā hai

    chand harfon ne bahut shor macha rakkha hai

    yani kaghaz pe koi hashr uTha rakkha hai

    mujh ko to apne siwa kuchh nazar aata hi nahin

    main ne diwaron ko aaina bana rakkha hai

    aap ke panw tale se bhi khisakti hai zamin

    aap ne kyun ye falak sar pe uTha rakkha hai

    mushaf-e-zat ki tafsir hai ye gahri chup

    chup hi mani hai miyan harf mein kya rakkha hai

    mujh pe to bhaari nahin koi shab-e-hijr mujhe

    zaKHmon ne sarw charaghacharan bana rakkha hai

    mera har kaam qayamat hi uTha deta hai

    tu ne har kaam qayamat pe uTha rakkha hai

    gulshan-e-dil abhi shadab hai pazhmurda nahin

    mausam-e-gham ne use kitna hara rakkha hai

    Source :
    • Book : Nakhl-e-Aab (Pg. 154)
    • Author : Rafeeq Raaz
    • Publication : Takbeer Publications, Srinagar (2015)
    • Edition : 2015
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY