chand sikkon mein bike hain KHwab sab is shahr mein

chand sikkoñ meñ bike haiñ ḳhvāb sab is shahr meñ

kis ko ro.eñ haiñ yahāñ betāb sab is shahr meñ

bhuuk ne bachchoñ ke hoñToñ se hañsī chhīnī yahāñ

ho ga.e haiñ ḳhaak meñ nāyāb sab is shahr meñ

'adl kī dīvār jab jhūTī gavāhī ban ga.ī

ho ga.e mazlūm bhī tezāb sab is shahr meñ

raushnī bujhne lagī hai bebasī ke haath se

dhuup meñ baiThe haiñ be-mehrāb sab is shahr meñ

qarz meñ Duube gharoñ kī dāstāñ kyā kah sakeñ

ho ga.e haiñ dard ke navvāb sab is shahr meñ

kal talak jo zinda the vo ajnabī Thahre yahāñ

ḳhauf meñ guzre haiñ vo ahbāb sab is shahr meñ

chand sikkon mein bike hain KHwab sab is shahr mein

kis ko roen hain yahan betab sab is shahr mein

bhuk ne bachchon ke honTon se hansi chhini yahan

ho gae hain KHak mein nayab sab is shahr mein

'adl ki diwar jab jhuTi gawahi ban gai

ho gae mazlum bhi tezab sab is shahr mein

raushni bujhne lagi hai bebasi ke hath se

dhup mein baiThe hain be-mehrab sab is shahr mein

qarz mein Dube gharon ki dastan kya kah saken

ho gae hain dard ke nawwab sab is shahr mein

kal talak jo zinda the wo ajnabi Thahre yahan

KHauf mein guzre hain wo ahbab sab is shahr mein