charagh isi liye apne bujha ke chalte hain

charāġh isī liye apne bujhā ke chalte haiñ

ki hukm saare yahāñ par havā ke chalte haiñ

ham aise shahr-e-halākat meñ bas rahe haiñ jahāñ

masīh-e-vaqt salībeñ uThā ke chalte haiñ

ab aise ahl-e-hunar se kise 'aqīdat ho

jo dil ke daaġh jabīñ par sajā ke chalte haiñ

hamāre ḳhvāb kisī karbalā se kam to nahīñ

so ham bhī ret pe ḳheme jalā ke jalte haiñ

kabhī ham un kī basārat kā nuur the ai dil

jo aaj ham se nigāheñ churā ke chalte haiñ

udāsiyoñ ke safar kuchh nishān-e-manzil de

ki ab to apne qadam laḌkhaḌā ke chalte haiñ

mazār-e-ahl-e-tamanna hai vo jagah 'āzād'

jahāñ se qāfile aañsū bahā ke chalte haiñ

charagh isi liye apne bujha ke chalte hain

ki hukm sare yahan par hawa ke chalte hain

hum aise shahr-e-halakat mein bas rahe hain jahan

masih-e-waqt saliben uTha ke chalte hain

ab aise ahl-e-hunar se kise 'aqidat ho

jo dil ke dagh jabin par saja ke chalte hain

hamare KHwab kisi karbala se kam to nahin

so hum bhi ret pe KHeme jala ke jalte hain

kabhi hum un ki basarat ka nur the ai dil

jo aaj hum se nigahen chura ke chalte hain

udasiyon ke safar kuchh nishan-e-manzil de

ki ab to apne qadam laDkhaDa ke chalte hain

mazar-e-ahl-e-tamanna hai wo jagah 'azad'

jahan se qafile aansu baha ke chalte hain