chashm-e-KHun-KHwar abru-e-KHamdar donon ek hain

Joshish Azimabadi

chashm-e-KHun-KHwar abru-e-KHamdar donon ek hain

Joshish Azimabadi

MORE BYJoshish Azimabadi

    chashm-e-ḳhūñ-ḳhvār abrū-e-ḳhamdār donoñ ek haiñ

    haiñ judā lekin ba-vaqt-e-kār donoñ ek haiñ

    bā.is-e-ārām ye ne mojib-e-āzār vo

    chashm-e-vahdat meñ gul aur ḳhaar donoñ ek haiñ

    iltiyām-e-zaḳhm-e-dil ke haq meñ gar kiije nigāh

    sabza-e-ḳhat marham-e-zañgār donoñ ek haiñ

    hālat istiġhnā jis ke haath aa.ī hai yahāñ

    us ke nazdīk andak o bisyār donoñ ek haiñ

    mere us ke go judā.ī aa ga.ī hai darmiyāñ

    jis ghaḌī bāham hue do-chār donoñ ek haiñ

    jo na maane us ko āshiq ho ke us pe dekh le

    abrū-e-ḳhamdār aur talvār donoñ ek haiñ

    kyā kahūñ maiñ is ko āñkhoñ ne diye haiñ jo fareb

    fann-e-makkārī meñ ye makkār donoñ ek haiñ

    jo hai ka.aba vo but-ḳhāna hai shaiḳh o barhaman

    is nāhaq karte ho takrār donoñ ek haiñ

    ye nahīñ kahne 'joshish' hogā jo sāhib-e-dimāġh

    zulf-e-yār o nāfa-e-tātār donoñ ek haiñ

    chashm-e-KHun-KHwar abru-e-KHamdar donon ek hain

    hain juda lekin ba-waqt-e-kar donon ek hain

    bais-e-aram ye ne mojib-e-azar wo

    chashm-e-wahdat mein hi gul aur KHar donon ek hain

    iltiyam-e-zaKHm-e-dil ke haq mein gar kije nigah

    sabza-e-KHat marham-e-zangar donon ek hain

    haalat istighna ki jis ke hath aai hai yahan

    us ke nazdik andak o bisyar donon ek hain

    mere us ke go judai aa gai hai darmiyan

    jis ghaDi baham hue do-chaar donon ek hain

    jo na mane us ko aashiq ho ke us pe dekh le

    abru-e-KHamdar aur talwar donon ek hain

    kya kahun main is ko aankhon ne diye hain jo fareb

    fann-e-makkari mein ye makkar donon ek hain

    jo hai kaba wo hi but-KHana hai shaiKH o barhaman

    is ki nahaq karte ho takrar donon ek hain

    ye nahin kahne ka 'joshish' hoga jo sahib-e-dimagh

    zulf-e-yar o nafa-e-tatar donon ek hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY