چہرے میں کشش ہے مہ و انجم سے زیادہ

چہرے میں کشش ہے مہ و انجم سے زیادہ

محفل میں حسیں کوئی نہیں تم سے زیادہ

مقتل میں ترے حسن کے یہ سین عجب تھا

خنجر سے مرے کم ہیں تبسم سے زیادہ

سو بات کی اک بات بزرگوں نے بتائی

ہے لطف خموشی میں تکلم سے زیادہ

موجوں کا کوئی خوف نہ طوفاں کا کوئی ڈر

ماجھی سے میں ڈرتا ہوں تلاطم سے زیادہ

مشکوک نگاہوں سے نہ دیکھا کرو اس کو

اشعار وہ کہتا ہے میاں تم سے زیادہ

جب آ گئے محفل میں سخن فہم سخن ساز

شعروں پہ ملی داد ترنم سے زیادہ

تقریر وہ کرتا ہے بڑے جوش میں لیکن

جو شخص پڑھا ہی نہیں پنجم سے زیادہ

اس دور تجارت کا عجب حال ہے فاروقؔ

سکوں میں توانائی ہے گندم سے زیادہ