chhalak na jae mere zabt ka piyala bhi
chhalak na jaa.e mire zabt kā piyāla bhī
taḌap uThā hai mujhe āzmāne vaalā bhī
mahak rahī hai kahīñ paas raat kī raanī
chhiTak rahā hai tirī yaad kā ujālā bhī
sajā rakhā hai 'ajab us ne ā.ina-ḳhāna
baḌā hasīn hai duniyā banāne vaalā bhī
kabhī-kabhī to dil-e-zār itnā ruuTh gayā
na kaam aayā tirī yaad kā havāla bhī
nigāh kī hai kab us ne mirī taraf ai 'zeb'
dil-e-shikasta ne jab le liyā sañbhālā bhī
chhalak na jae mere zabt ka piyala bhi
taDap uTha hai mujhe aazmane wala bhi
mahak rahi hai kahin pas raat ki rani
chhiTak raha hai teri yaad ka ujala bhi
saja rakha hai 'ajab us ne aaina-KHana
baDa hasin hai duniya banane wala bhi
kabhi-kabhi to dil-e-zar itna ruTh gaya
na kaam aaya teri yaad ka hawala bhi
nigah ki hai kab us ne meri taraf ai 'zeb'
dil-e-shikasta ne jab le liya sanbhaala bhi
- Book : Dheemi Aanch ka Sitaara (Pg. 60)
- Author : Zeb Ghauri
- Publication : Rekhta Publications (2023)
- Edition : First
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
