chhatri laga ke ghar se nikalne lage hain hum

Wali Aasi

chhatri laga ke ghar se nikalne lage hain hum

Wali Aasi

MORE BYWali Aasi

    chhatrī lagā ke ghar se nikalne lage haiñ ham

    ab kitnī ehtiyāt se chalne lage haiñ ham

    is darja hoshiyār to pahle kabhī na the

    ab kyuuñ qadam qadam pe sambhalne lage haiñ ham

    ho jaate haiñ udaas ki jab dopahar ke ba.ad

    sūraj pukārtā hai ki Dhalne lage haiñ ham

    aisā nahīñ ki barf mānind hoñ magar

    lagtā hai yuuñ ki jaise pighalne lage haiñ ham

    ā.īna dekhne zarūrat na thī koī

    ḳhud jānte the ham ki badalne lage haiñ ham

    is yaqīn aaj bhalā kis ko aa.egā

    ik dhīmī dhīmī aañch meñ jalne lage haiñ ham

    sach pūchhiye to is hameñ ḳhud ḳhabar nahīñ

    mausam badal gayā ki badalne lage haiñ ham

    chhatri laga ke ghar se nikalne lage hain hum

    ab kitni ehtiyat se chalne lage hain hum

    is darja hoshiyar to pahle kabhi na the

    ab kyun qadam qadam pe sambhalne lage hain hum

    ho jate hain udas ki jab dopahar ke baad

    suraj pukarta hai ki Dhalne lage hain hum

    aisa nahin ki barf ki manind hon magar

    lagta hai yun ki jaise pighalne lage hain hum

    aaina dekhne ki zarurat na thi koi

    KHud jaante the hum ki badalne lage hain hum

    is ka yaqin aaj bhala kis ko aaega

    ek dhimi dhimi aanch mein jalne lage hain hum

    sach puchhiye to is ki hamein KHud KHabar nahin

    mausam badal gaya ki badalne lage hain hum

    Source:

    • Book : Mujalla Dastavez (Pg. 104)
    • Author : Aziz Nabeel
    • Publication : Edarah Dastavez (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY