chhupānā bhī jo tum chāho mohabbat chhup na pā.egī
diyā dil meñ jalegā aur chamak chehre pe aa.egī
hudūd-e-inkisārī se bhī ham aage nikal aa.e
agar tum aur khīñchoge to rassī TuuT jā.egī
samā.at meñ to apnī quvvat-e-ehsās paidā kar
mire dil ke taḌapne kī tujhe āvāz aa.egī
zarūrat ko jakaḌ kar sabr kī zanjīr meñ rakhnā
nahīñ to bhuuk ḳhuddārī ko ik din bech khā.egī
tū apne ap ko sūraj banā kar pesh kar pahle
bas ik maiñ hī nahīñ duniyā tire chakkar lagā.egī
chhupana bhi jo tum chaho mohabbat chhup na paegi
diya dil mein jalega aur chamak chehre pe aaegi
hudud-e-inkisari se bhi hum aage nikal aae
agar tum aur khinchoge to rassi TuT jaegi
samaat mein to apni quwwat-e-ehsas paida kar
mere dil ke taDapne ki tujhe aawaz aaegi
zarurat ko jakaD kar sabr ki zanjir mein rakhna
nahin to bhuk KHuddari ko ek din bech khaegi
tu apne ap ko suraj bana kar pesh kar pahle
bas ek main hi nahin duniya tere chakkar lagaegi
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.