چوٹ کھائی ہو جس نے الفت کی
چوٹ کھائی ہو جس نے الفت کی
کیا کرے بات وہ مسرت کی
چار دن ہنس کے عمر بھر رونا
داستاں مختصر ہے الفت کی
ایک دھوکا ہے خود فریبی ہے
آرزو اس جہاں میں راحت کی
آدمی آدمی کا دشمن ہے
اف یہ تذلیل آدمیت کی
شوخ ایسا بنا دیا تم کو
یہ بھی صنعت ہے اک مشیت کی
کاش مٹ جائیں کوئے جاناں میں
ہم کو خواہش نہیں ہے جنت کی
دل جلانے پہ بھی نہ دور ہوئی
تیرگی اے نریشؔ فرقت کی
مأخذ:
غم فردا (Pg. 51)
- مصنف: ڈاکٹر نریش
-
- ناشر: نوجوت پبلی کیشنز،پنجاب
- سن اشاعت: 1976
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
