chup hue to ghar se nikle ja ke daftar ro paDe

chup hue to ghar se nikle jā ke daftar ro paḌe

ishq aisī jañg hai jis meñ sikandar ro paḌe

dostī kī kuchh misāleñ is tarah bhī dī ga.iiñ

jab sudāmā ko lagī to saath girdhar ro paḌe

filoñ meñ dafn karke ḳhvāb jab maiñ ro paḌā

dekh kar vo haal merā pen paper ro paḌe

bas diloñ par kab kisī kā chal sakā hai ishq meñ

phir se Dial kar ke ham vo ek number ro paḌe

pūchh baiThe log mujh se ro rahā hai kyā huā

chup karāne the jo aa.e log mil kar ro paḌe

baaz ham ne yuuñ lagāyā ġham Thikāne raat meñ

sab se chhup kar oḌh kar ke ek chādar ro paḌe

dil lagā kar kaam karne kī hameñ aadat rahī

is liye jab ro rahe the dil lagā kar ro paḌe

chup hue to ghar se nikle ja ke daftar ro paDe

ishq aisi jang hai jis mein sikandar ro paDe

dosti ki kuchh misalen is tarah bhi di gain

jab sudama ko lagi to sath girdhar ro paDe

filon mein dafn karke KHwab jab main ro paDa

dekh kar wo haal mera pen paper ro paDe

bas dilon par kab kisi ka chal saka hai ishq mein

phir se Dial kar ke hum wo ek number ro paDe

puchh baiThe log mujh se ro raha hai kya hua

chup karane the jo aae log mil kar ro paDe

baz hum ne yun lagaya gham Thikane raat mein

sab se chhup kar oDh kar ke ek chadar ro paDe

dil laga kar kaam karne ki hamein aadat rahi

is liye jab ro rahe the dil laga kar ro paDe