چست کمر کا کیا سبب تنگ قبا کی وجہ کیا

شاد عظیم آبادی

چست کمر کا کیا سبب تنگ قبا کی وجہ کیا

شاد عظیم آبادی

MORE BYشاد عظیم آبادی

    چست کمر کا کیا سبب تنگ قبا کی وجہ کیا

    ہم تو ہیں آپ سر بکف ہم سے ادا کی وجہ کیا

    خاک میں جو ملا ہو خود اس پہ ستم سے کیا حصول

    حسن کی یہ سرشت ہے ورنہ جفا کی وجہ کیا

    اپنی ہیں جیسی خصلتیں مجھ پہ بھی ہے گماں وہی

    یہ نہیں گر سبب تو پھر ترک وفا کی وجہ کیا

    مشرب عشق میں دلا کفر ہے یار سے ریا

    جب کہ بتوں کا دھیان ہو ذکر خدا کی وجہ کیا

    آج کیے ہزار قتل کل کیے اور بھی سوا

    شغل یہ جس نگہ کا ہو اس کو حیا کی وجہ کیا

    روح و جسد کا سابقہ کتنے دنوں کا ہے بھلا

    دونوں کی جنس دو ہے جب ان میں وفا کی وجہ کیا

    صدمۂ‌‌ درد و رنج و غم طول فراق کا الم

    ہیں یہ حوادثات چند ان کی بقا کی وجہ کیا

    سن لیں جو وہ زہے نصیب گر نہ سنیں تو کیا گلہ

    ہے یہ انہیں سے گفتگو ترک دعا کی وجہ کیا

    مالک دل ہیں جب وہی جب ہے انہیں کا اختیار

    مرتکب گناہ کیوں جرم و خطا کی وجہ کیا

    روئے ہیں ہم ضرور شادؔ تب تو ہے لب پہ آہ سرد

    مینہ نہ برس گیا تو پھر ٹھنڈی ہوا کی وجہ کیا

    مآخذ
    • کتاب : Dewan-e-shad Azimabadi (Pg. 58)
    • Author : Shad Azimabadi
    • مطبع : Educational Publishing House (2005)
    • اشاعت : 2005

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY