دبی ہو بات جو دل میں اسے باہر نکالا کر

دبی ہو بات جو دل میں اسے باہر نکالا کر

نگاہوں میں بسا کر کے حسیں اک خواب پالا کر

اداسی کیوں رہے من میں اداسی تو رلاتی ہے

ضروری ہے اداسی پہ خوشی کا رنگ ڈالا کر

برا ہو وقت تب خود کو بکھرنے سے بچانا ہے

مگر یہ شرط ہے کوشش کسی سانچے میں ڈھالا کر

ارادہ ہے بدلنے کا تو کوشش کر بدلنے کی

اگر سورج نہیں ہے تو چراغوں سے اجالا کر

ملے گی ہار یا پھر جیت کا پرچم اٹھائے گا

نتیجہ جو رہے لیکن نیا سکہ اچھالا کر