dam-ba-ḳhud baiTh ke ḳhud jaise zabāñ giilī hai
saañs kyā luuñ ki havā dahr kī zahrīlī hai
ban gayā qatra-e-nāchīz taraqqī se guhar
zaat hai ek faqat naam kī tabdīlī hai
laag ne jis kī mujhe phūñkā hai andar andar
sham.a us aag kī ik hai.at-e-tamsīlī hai
mal ke miTTī tirī chaukhaT kī huā ḳhaak se paak
jo lakīr ab mire māthe kī hai chamkīlī hai
phir uḌānā haiñ garebāñ ke mujhī ko purze
haath bekār abhī the kī qabā sī lī hai
'ārzū' hogā ye maqtal hī azā-ḳhāna bhī
shafaqī farsh zamīñ kā hai to chhat niilī hai
dam-ba-KHud baiTh ke KHud jaise zaban gili hai
sans kya lun ki hawa dahr ki zahrili hai
ban gaya qatra-e-nachiz taraqqi se guhar
zat hai ek faqat nam ki tabdili hai
lag ne jis ki mujhe phunka hai andar andar
shama us aag ki ek haiat-e-tamsili hai
mal ke miTTi teri chaukhaT ki hua KHak se pak
jo lakir ab mere mathe ki hai chamkili hai
phir uDana hain gareban ke mujhi ko purze
hath bekar abhi the ki qaba si li hai
'arzu' hoga ye maqtal hi aza-KHana bhi
shafaqi farsh zamin ka hai to chhat nili hai
Source:
Range-e-Gazal (Pg. 428)
-
Author:
shahzaad ahmad
-
- Edition: 1988
- Publisher: Ali Printers, 19-A Abate Road, Lahore
- Year of Publication: 1988
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
