dam nahin hai zabt ka yara nahin

dam nahīñ hai zabt kā yaarā nahīñ

sabr karne ke sivā chārā nahīñ

haath yuuñ paḌtā hai merā jeb meñ

juuñ qadam daldal pe dobāra nahīñ

maar Daalā ġhalba-e-jazbāt ne

maiñ ġham-o-ālām se haarā nahīñ

aap mar jā.eñge marte mārte

marne vaalā nafs-e-ammāra nahīñ

'umr be-masraf kaTī hai aur ab

aa.egā ye din bhī dobāra nahīñ

Taap par pahuñchā huā hai nang-pan

aur kahīñ se huuñ kā hunkārā nahīñ

us ko āsānī se maarā jā.egā

Thok kar ḳham jis ne lalkārā nahīñ

shā'irī kī top dāġhī hai 'nishāt'

aur koī tiir to maarā nahīñ

dam nahin hai zabt ka yara nahin

sabr karne ke siwa chaara nahin

hath yun paDta hai mera jeb mein

jun qadam daldal pe dobara nahin

mar Dala ghalba-e-jazbaat ne

main gham-o-alam se haara nahin

aap mar jaenge marte marte

marne wala nafs-e-ammara nahin

'umr be-masraf kaTi hai aur ab

aaega ye din bhi dobara nahin

Tap par pahuncha hua hai nang-pan

aur kahin se hun ka hunkara nahin

us ko aasani se mara jaega

Thok kar KHam jis ne lalkara nahin

sha'iri ki top daghi hai 'nishat'

aur koi tir to mara nahin