دم نہیں ہے ضبط کا یارا نہیں

دم نہیں ہے ضبط کا یارا نہیں

صبر کرنے کے سوا چارا نہیں

ہاتھ یوں پڑتا ہے میرا جیب میں

جوں قدم دلدل پہ دوبارہ نہیں

مار ڈالا غلبۂ جذبات نے

میں غم و آلام سے ہارا نہیں

آپ مر جائیں گے مرتے مارتے

مرنے والا نفس امارہ نہیں

عمر بے مصرف کٹی ہے اور اب

آئے گا یہ دن بھی دوبارہ نہیں

ٹاپ پر پہنچا ہوا ہے ننگ پن

اور کہیں سے ہوں کا ہنکارا نہیں

اس کو آسانی سے مارا جائے گا

ٹھوک کر خم جس نے للکارا نہیں

شاعری کی توپ داغی ہے نشاطؔ

اور کوئی تیر تو مارا نہیں