دم توڑتا ہوں خاک پہ گور و کفن سے دور

دم توڑتا ہوں خاک پہ گور و کفن سے دور

یا رب کسی کی موت نہ آئے وطن سے دور

اہل چمن کا شیوۂ بیگانگی نہ پوچھ

ہم تو چمن میں رہتے ہوئے ہیں چمن سے دور

آہ دل غریب قیامت سے کم نہیں

اک بات کہہ رہا ہوں کسی حسن ظن سے دور

دل سے ہے بے نیاز امیدوں کی روشنی

جلتے ہیں یہ چراغ مگر انجمن سے دور

اس دور میں بھی حق کے پرستار کم نہیں

یہ اور بات ہے کہ ہیں دار و رسن سے دور

آؤ قفس میں بیٹھ کے روئیں بہار کو

تم بھی چمن سے دور ہو ہم بھی چمن سے دور

رونقؔ جنون شوق کا عالم بھی خوب ہے

خوشیوں سے بے نیاز ہوں رنج و محن سے دور